Saturday, March 29, 2025
ਭਾਰਤ-ਪਾਕਿਸਤਾਨ ਵਿਚਕਾਰ ਵਧਦੇ ਤਣਾਅ ਦੇ ਦੌਰਾਨ, ਤੁਰਕੀ ਨੇ ਆਪਣਾ ਜੰਗੀ ਜਹਾਜ਼ ‘ਟੀਸੀਜੀ ਬੁਯੁਕਾਦਾ’ ਕਰਾਚੀ ਭੇਜ ਕੇ ਇੱਕ ਨਵਾਂ ਰਾਜਨੀਤਕ ਸੰਕੇਤ ਦਿੱਤਾ ਹੈ। ਇਹ ਕਦਮ ਉਸ ਵੇਲੇ ਆਇਆ ਹੈ ਜਦੋਂ ਪਹਿਲਗਾਮ ਹਮਲੇ ਕਾਰਨ ਭਾਰਤ ਵਿੱਚ ਗੁੱਸਾ ਹੈ ਅਤੇ ਦਿੱਲੀ ਵਿੱਚ ਉੱਚ ਪੱਧਰੀ ਮੀਟਿੰਗਾਂ ਚੱਲ ਰਹੀਆਂ ਹਨ।
Goodwill visit of TCG BÜYÜKADA stands as testament to ever-strengthening maritime collaboration b/w Pakistan & Türkiye. It reflects deep-rooted mutual trust & strategic partnership between two brotherly nations, anchored in centuries-old historical & cultural ties. 2/2 pic.twitter.com/mZj8LD2vQc
— DGPR (Navy) (@dgprPaknavy) May 4, 2025
ਐਤਵਾਰ ਨੂੰ ਜਦ ਤੁਰਕੀ ਨੇਵੀ ਦਾ ਜਹਾਜ਼ ਕਰਾਚੀ ਬੰਦਰਗਾਹ ‘ਤੇ ਪਹੁੰਚਿਆ, ਤਾਂ ਪਾਕਿਸਤਾਨੀ ਜਲ ਸੈਨਾ ਦੇ ਅਧਿਕਾਰੀਆਂ ਨੇ ਉਸਦਾ ਉਤਸ਼ਾਹੀਤ ਸਵਾਗਤ ਕੀਤਾ। ਡੀਜੀ ਪੀਆਰ ਨੇਵੀ ਨੇ ਜਾਰੀ ਬਿਆਨ ਵਿੱਚ ਕਿਹਾ ਕਿ ਇਹ ‘ਸਦਭਾਵਨਾ ਯਾਤਰਾ’ ਦੋਵਾਂ ਦੇਸ਼ਾਂ ਦੀ ਰਣਨੀਤਕ ਭਾਈਵਾਲੀ ਅਤੇ ਸਮੁੰਦਰੀ ਸਹਿਯੋਗ ਦਾ ਪ੍ਰਤੀਕ ਹੈ।
ਜਹਾਜ਼ ‘ਤੇ ਮੌਜੂਦ ਚਾਲਕ ਦਲ ਪਾਕਿਸਤਾਨੀ ਸੈਨਿਕਾਂ ਨਾਲ ਗੱਲਬਾਤ ਅਤੇ ਸਾਂਝੇ ਅਭਿਆਸ ਕਰੇਗਾ, ਜਿਸਦਾ ਉਦੇਸ਼ ਸਹਿਯੋਗ ਅਤੇ ਵਿਸ਼ਵਾਸ ਵਧਾਉਣਾ ਹੈ।
ਤੁਰਕੀ ਅਤੇ ਪਾਕਿਸਤਾਨ ਲੰਬੇ ਸਮੇਂ ਤੋਂ ਰਣਨੀਤਕ ਸਾਥੀ ਰਹੇ ਹਨ। ਤੁਰਕੀ ਨੇ ਪਿਛਲੇ ਕੁਝ ਸਾਲਾਂ ਵਿੱਚ ਪਾਕਿਸਤਾਨ ਨੂੰ ਡਰੋਨ, ਅਪਡੇਟ ਕੀਤੀਆਂ ਅਗੋਸਟਾ 90B ਕਲਾਸ ਪਣਡੁੱਬੀਆਂ ਅਤੇ ਹੋਰ ਫੌਜੀ ਸਾਜੋ-ਸਾਮਾਨ ਵੀ ਦਿੱਤਾ ਹੈ। ਇਹ ਜਹਾਜ਼ੀ ਦੌਰਾ, ਦੋਵਾਂ ਦੇਸ਼ਾਂ ਦੇ ਸਾਂਝੇ ਹਿਤਾਂ ਦੀ ਤਸਦੀਕ ਕਰਦਾ ਹੈ।
ਭਾਰਤ ਵਿੱਚ ਇਹ ਸਵਾਲ ਉੱਠ ਰਿਹਾ ਹੈ ਕਿ ਜਦ ਤਣਾਅ ਚਰਮ ‘ਤੇ ਹੈ, ਤਾਂ ਕੀ ਤੁਰਕੀ ਇਹ ਕਦਮ ਰਣਨੀਤਕ ਤੌਰ ‘ਤੇ ਚੁਕ ਰਿਹਾ ਹੈ? ਕੀ ਇਹ ਪਾਕਿਸਤਾਨ ਦੇ ਹੱਕ ‘ਚ ਇੱਕ ਦੂਸਰੇ ਰਣਨੀਤਕ ਧੜੇ ਦੀ ਖੁਲ੍ਹੀ ਹਮਾਇਤ ਹੈ?
ਇਸ ਤਾਜ਼ਾ ਹਿਲਚਲ ਨੇ ਦੱਖਣੀ ਏਸ਼ੀਆ ਵਿੱਚ ਨਵੀਂ ਰਣਨੀਤਕ ਗਤੀਵਿਧੀਆਂ ਦੀ ਸੰਭਾਵਨਾ ਖੜੀ ਕਰ ਦਿੱਤੀ ਹੈ।
